Сіз осы сервис көмегімен тізімдегі сот органына шағым беру мүмкіндігін аласыз. Осы ретте Сізге шағымның жеткізілу кепілдігі беріледі, сондай-ақ тікелей «Сот кабинетінде» шағымды қарау барысын қадағалап отырасыз.
Онлайн сервисті қалай қолдану керек?
1. «Сот кабинетінде» авторлану қажет.
2. Шағымның электрондық нысанын толтырыңыз.
3. Шағымға қажетті құжаттарды қоса тіркеңіз.
4. Оған ЭЦҚ (электрондық цифрлық қолтаңбамен) қол қойып, жіберіңіз.
Қазақстан Республикасы Қылмыстық-процестік кодексінің 106-бабы бірінші бөлігіне сәйкес құқықтары мен бостандықтарын прокурордың, тергеу және анықтау органдарының әрекеті (әрекетсіздігі) және шешімі тікелей қозғайтын тұлға қылмыстық құқық бұзушылық туралы, сондай-ақ сотқа дейінгі тергеп-тексерудің басталуында, тергеп-тексеру мерзімдерін үзуде, қылмыстық істі тоқтатуда, сот-медициналық сараптама жүргізу үшін медициналық ұйымға мәжбүрлеп орналастыруда, тінтуді және (немесе) алуды жүргізуде, өзге де әрекеттерді (әрекетсіздіктерді) жасауда және шешімдерді қабылдауда заңның бұзылуы туралы арызды қабылдаудан бас тартуға шағыммен сотқа жүгінуге құқылы.
Қазақстан Республикасы Қылмыстық-процестік кодексінің 106-бабы 5-бөлігіне сәйкес шағым қылмыстық процесті жүргізетін орган тұрған жердегі аудандық сотқа, тұлғаның келіспеген шешіммен танысқан күнінен бастап он бес тәулік ішінде не прокурордың өз атына берілген шағымды қанағаттандырудан бас тартатыны туралы хабарламасы алынғаннан кейін дәл сол мерзімде немесе, егер прокурорға берілген шағымға жауап алынбаған болса, шағым берілгеннен кейін он бес тәулік өткен күннен бастап берілуі мүмкін.
Электрондық құжатқа қойылатын техникалық талаптар және оны соттың автоматтандырылған ақпараттық жүйесінде қолдану қағидалары электрондық құжаттармен жұмыс істеу тәртібін айқындайды. Төменде электрондық құжатқа қойылатын бірқатар талаптар және оны беру тәртібі келтірілген:
- Құжаттар мәтіндік форматта ресімделуі тиіс (қаріп 14 TimesNewRoman, жоларалық интервал).
- Әр құжат жеке файл ретінде жүктеледі.
- Файл атауы құжатты анықтауға мүмкіндік беруі керек.
- Файлдар саны сотқа берілетін құжаттар санына сәйкес келуі керек.
- Электрондық құжаттың әрбір файлының мөлшері 20 Мегабайт аспауы тиіс.
- Электрондық құжатқа және құжаттардың көшірмелеріне рұқсат етілген форматтар: *doc, *docx, *pdf, *jpeg, *xlsx.
- Қағаз тасығыштағы құжатты сканерлеу 1:1 масштабта қара-ақ немесе сұр түсте (дюйміне 200-300 нүкте сапасы) жүргізілуі тиіс, бұл барлық деректемелер мен түпнұсқалықтың шынайы белгілерін, атап айтқанда: тұлғаның графикалық қолтаңбасын, бланктің мөрін және бұрыштық мөртабанын (бар болса) сақтауды қамтамасыз етеді. Істі қарау үшін қажет болған жағдайда құжатта түрлі-түсті графикалық кескіндер немесе түрлі- түсті мәтін болғанда толық түс беру режимінде сканерлеу жүзеге асырылады.
- салынған құжаттар оқылуы керек.
- салынған құжат атауына сәйкес келуі керек.
- салынған құжаттар мен материалдар қосымшаға сәйкес келуі тиіс. Жоғарыда аталған талаптар сақталмаған жағдайда, сот Сіздің өтінішіңізді тіркеуден бас тартады.